3537/2024-2025

Aizawl, the 14th December, 2024: Kan hma lawka Chrismas lo thleng tur pualin zanin khan Mizoram Governor Dr. Hari Babu Kambhampati leh a nupui Lady Governor Jayasree Kambhampati te hovin Raj Bhavan-ah Christmas Carol hlimawm tak hman a ni. He hunah hian  Aizawl West-I Area Masihi Sangati, Mizoram Presbyterian Church member-te an tel a ni. 

Mizoram Governor Dr. Hari Babu Kambhampati te nupa chuan Mizoram mipuite Chrismas leh Kumthar hun hlimawm tak hmang turin duhsakna an hlan a. Governor chuan Chrismas lo thleng tur chuan remna leh muanna bakah inpumkhatna thlen se a duh thu a sawi bawk. 

He hunah hian Aizawl West-I Area Masihi Sangati, Mizoram Presbyterian Church member 32 te chuan Chrismas hla mawi tak tak remin malzai, zaipawl, thuchah leh medley-te ngaihthlak a ni a. Governor chuan he hun hmanpuitu Aizawl West-I Area Masihi Sangati member-te chungah lawmthu sawiin Chrismas thilpek a hlan a. Chrismas boruak hlimawm leh nuam tak hman ho a ni.