2612/2023-2024

LUNGLEI; the 3rd November, 2023: Vawiin chawhma dar 11:00Am khan District Election Officer, Lunglei District bul tumin a rualin hmun 6-ah viz:

1. SP Conference Hall,
2. District Education Hall,
3. Convention Centre,
4. JB College conference Hall,
5. Lunglei Gov’t College RUSA Hall leh
6. Cultural Heritage Centre-ah te

Polling official te tan a tum 3-na leh a hnuhnung tur ber  Training a buatsaih leh a ni. Lunglei district chhungah hian  Pink Polling station 12 tiamin Polling Station 176 a awm a.Heng PS 176-a duty tur polling officials: Presiding Officer(PRO) , Asst.Presiding Officer(APRO) leh Polling Officer(PO) te hi (reservation 20% tiamin), an vaiin 852( PRO-213,APRO-213 leh PO-416) an awm a ni.34-Thorang(ST) AC hnuaia Polling Station 9 leh 35-West Tuipui (ST) AC hnuaia Polling Station 7, a vaiin PS 16 a duty tur te chu tahrik ni 5/11/2023  zinglam dar 7:00Am khian an  duty na hmun panin  Despatch centre an chhuahsan hlawm dawn a, a bak PS 160 a duty tur te chu tahrik 6/11/2023  khian an duty na hmun an pan ve thung ang.