2613/2023-2024

Dated Saitual the 3rd November 2023 : Vawiin khan Saitual District Election Officer Dr Lalngura Tlau in Saitual DC Conference Room ah Thuthar thehdarhtute weekly Press briefing a neih pui.

Vawiin a weekly Press briefing ahhian Saitual District Election Officer Dr Lalngura Tlau chuan saitual district in kan hma lawka MLA inthlanpui neih tura a inpuahchahna te a sawi lang a. Randomisation hrang hrang, polling party, supplementary, EVM etc te chu oberserver te kaihhruaina hnuaiah neih ni tawh in la neih leh tur a la awm hlawm bawk a ni, a ti.

EVM leh VVPAT commissioning pawh neih tawh a ni, a ti a, Training & Awareness atana an hman EVM te chu Poll day a hman theih tura buatsaih leh tur a nih thu sawiin chung EVM te chu November ni 4 ah Commission leh an ni ang, a ti. Vawiin chawhnu ah oberserver te kaihhruaina hnuai ah sector magistrate leh Sector police te final briefing neih a nih tur thu a sawi bawk a. Postal ballot chungchang pawh sawiin DC office ah Postal Ballot Facilitation centre hawn a ni a, postal ballot hmanga vote thlak dil te tan Postal Ballot thlak theih reng a ni, a ti a, Home Voting pawh zawh fel a ni tawh bawk a ni, a ti.

Saitual District Election Officer hian inthlan muanawm leh felfai tak neih theih nan theihtawp an chhuah thu sawiin mi zawng zawng vote thlak theuh turin a sawm bawk a ni.

Vawiin a weekly press briefing ahhian zawhna leh chhanna hun hman niin press miten an hriat atana tul leh mamawh te leh mipui te hnena tarlan tur a thil pawimawh te hrilh hriatna neih a ni bawk.

Weekly Press Briefing ahhian Saitual District Election Officer bakah Election Officer, Pi Laldinfeli, DIPRO leh Thuthar thehdarhtute an tel a ni.