2614/2023-2024

Dated Siaha 3rd November 2023 : Vawiin khan Government Siaha College-ah kumin MLA inthlanpui lo awm tura Siaha District chhunga Assembly Constitency pahnih - 39-Saiha (ST) A/C leh 40-Palak (ST) A/C - a Polling Official-te tan training hnuhnungber neih a ni.

He training-ah hian Inthlanna felfai leh thianghlim a awm theih nana thiltih ngei ngei turte leh tih loh turte, EVM hman dan leh EVM khawl a chhiat emaw chianlohna a awm palh a hmalak dan tur bakah thil pawimawh dangte zirtirna pek an ni.

Vawiin Training hunah hian 39-Saiha (ST) A/C- a Polling Official- te hi District Master Trainer pali - Pi. B. Malsawmtluangi, Asst.Returning Officer, Pu J.Lalhmahruaia, Asst.Returning Officer, Pi Irene Lizi, Pu S. Hmingthanzama ( EVM Instructor) leh Pu Lalzuiliana Sailo (EVM Instructor) ten training an pe a. 40-Palak (ST) A/C- ah hian District Master Trainer pali- Pi R. Lalnunkimi Asst.Returning Officer, Pu Ngurthansanga, Asst.Returning Officer, Pu H. Ramhluna ( EVM Instructor) leh Pu Reuben T. Kompa (EVM Instructor) ten Polling Official-te hi training an pe bawk.