3202/2023-2024

LUNGLEI; the 30th, December, 2023:  Vawiin khan DC Conference Hall, Lungleiah Mizoram Legislative Assembly 2023 inthlanna neih zawh taka Lunglei District chhunga Assembly Constituency paruk (6)  30-Lunglei North A/C, 31-Lunglei East A/C, 32, Lunglei West A/C, 33-Lunglei South A/C, 34-Thorang A/C leh 35-West Tuipui A/C te sum hmanral endikna  Account Reconciliation chu Election Observer Pu S.K. Meena hova neih a ni.

He hun hi Pi Ramdinliani, IAS ,District Election Officer leh Deputy Commissioner, Lunglei ni bawk chuan kaihruaiin MLA inthlanna neih zawh tak chu harsatna awm lova result tluang taka chhiar a ni te chu lawmawm a ti a, Candidate te sum leh pai hmanral dan ziak feltu Political Paty tin aiawh Agent leh Addl. Expenditure Agent te bakah anmahni kaihruaitu sorkar official te chungah lawmthu a sawi bawk.

Vawiin meetingah hian Lunglei District chhunga Assembly Constituency paruk a candidate ten inthlan hun chhunga an sum hman dan endik a ni a. Candidate Expenditure Register, Shadow Observation Register leh Bank Statement te endik a ni. Candidate ten inthlan a hman tura bituk cheng nuai 28 thleng chu dik taka hman a ni em tih en ho a ni.

Account Reconciliation ah hian Addl. District Election Officer. Election Officer, Nodal Officer, Election Expenditure Monitoring, ARO, AEO leh Candidate Agent te an tel a ni.