415/2022-2023
Lunglei 6th May 2022: India ram zalenna kum 75- na lawmna Azadi Ka Amrit Mahotsav kal zelah vawiin khan Lunglei Art & Culture Auditorium ah thusawi intihsiakna Elocution Competition buatsaih a ni.

He intihsiakna ah hian Lungleia school leh college naupangte telin Lunglei DC Pu Kulothungan A chuan a hmanpui a. Azadi Ka Amrit Mahotsav in a tum India in zalenna kum 75 na a lawmna ah hian zalenna sualtu tam tak mi huaisen te leh ram hmasawnna atana theihtawpa hnathawktu te chungah lawmthu kan sawi a ngai ani tiin Lunglei DC chuan zirlaite intihsiaknaa tel te chu duhsakna a hlan a ni.

Vawiin intihsiakna ah hian zirna in panga - Bethesda HSS, Leitlangpui HSS, Baptist HSS, HATIM, Faith Hill School of Arts atangin zirlaiten thupui thlanchhuah sa pahnih Clean India, Green India leh My Duties as a Citizen hmangin thusawi intihsiakna an nei a. Pi C. Lalduhzuali SDO(S), Pu Gen Khan Do, SRO, Art & Culture leh Pu C. Lalremruati DIPRO te chu Judge an ni.

Vawiin intihsiakna ah hian Lalhriatpuii Pachuau, Class XII, BHSS chu pakhatna niin Lalhunthianghlima, BSW,HATIM chu pahnihna a ni a, K. Lalhriatzuali, Class XII, BHSS chu pathumna a ni.

Program hi Pi Lalsiamthari Bawitlung, Superintendent, DC Office in kahruaiin Pu H. Lalramenga, SDC in lawmthu sawina hun a hmang a ni.