1550/2022-2023
Lunglei the 11th August 2022 : Vawiin chawhma khan Art & Culture Department leh Mizo Academy of Letters (MAL) Jt Hqrs, Lunglei te tangkawp buatsaih, Azadi Ka Amrit Mahotsav – Hranghluite Kawmna (Meet the Elder/Author) chu Art & Culture Auditorium, Lunglei ah neih a ni. Pu R.Laltanzuala, Joint Director, Commerce & Industry Department chuan khuallian niin a hmanpui.

Inkawmna hun hi Pu C.Hrangdula, President, MAL Jt.Hqrs Lunglei in kaihruai in khuallian Pu R.Laltanzuala chuan thu sawiin Art & Culture Department leh MAL Jt.Hqrs, Lungleiin Azadi Ka Amrit Mahotsav – Hranghluite Kawmna (Meet the Elder/Author) an buatsaih chu lawmawm a tih thu a sawi a. Thu leh hla thiam ziakmi te chu ram leh hnam tana ro hlu an nih thu sawiin mipuite pawhin kan chawimawi thiam a, an thuziah leh an lehkhabu te pawh kan hlut a tul takzet a ni, a ti a. Kalkhawmte chu hun hlimawm leh hlawk thlak tak hmang theuh turin duhsakna a hlan a ni.

Azadi Ka Amrit Mahotsav – Hranghluite Kawmna (Meet the Elder/Author) hunah hian tawn hriat nei tha leh thu leh hla lama sulhnu nei tha mi pali Dr.Chawngkhuma Chawngthu, Siaha, Pu KT.Chhawna, Lunglei, Pu PC.Lawmkunga,Aizawl leh Pu K.Darchhawna,Pukpui te kawmna hun hman niin, zawhna leh chhanna hun hlawk thlak tak hman a ni bawk.