1551/2022-2023
Aizawl, the 11th August 2022: Lai Autonomous District Council huam chhunga 11 – Ngengpuikai (1 General Seat), 46 – Hmawngbuchhuah (3 General + 1 Reserved Seaat), 47 – Dumzautlang (1 General Seat), 48 – Laitlang (3 General + 1 Reserved Seat) and 57 – Vathuampui (1 General Seat) Village Council Constituencies-ah te hian member-te boral avang leh Village Council dissolved avang te in Casual Vacancy a awm a. Heng hmun ruak hnawhkhah nan hian Article 243K leh 243ZA of the Constitution of India-in thuneihna a pek leh Lai Autonomous District Council Rules te’n thuneihna a pek angin, State Election Commission, Mizoram chuan 6th September, 2022 (Thawhlehni) hian inthlan a buatsaih dawn a ni.

Electoral Rolls : A chunga kan tarlan tak angin Ngengpuikai, Hmawngbuchhuah, Dumzautlang, Laitlang leh Vathuampui Village Council Constituencies-ah te hian MDC inthlanpui roll hnuhnung ber chu draft roll ah hmangin 26.07.2022 – 08.08.2022 chhung khan Electoral Roll siam a ni a. Tichuan tahrik ni 01.01.2021 chu kum tling leh tlinglo tehkhawng a hmangin Final Roll chu ni 08.08.2022 khan tih chhuah a ni.
Identification of Electors : Vote thlak turte chuan an nihna tichiang turin Election Commission of India-in an siam EPIC an keng ngei tur a ni a, an neilo anih chuan mahni nihna ti chiang thei tur Identity Card dang an keng tur a ni.

Vote thlak anih dawn in vote – ‘neitu dik tak a ni’ tih chian theih anih loh chuan vote an thlak ve thei lovang.
Dan leh thupek : Inthlanna felfai leh muanawm kan neih theih nan dan leh thupek kengkawh turin District Magistrate leh Superintendent of Police-te beisei an ni a. Eng thil mahin Inthlanna hi a tibuai tur a ni lo.

Election Officials : Deputy Commissioner, Lawngtlai District chu District Election Officer atan ruat a ni a, Addl. DC, Lawngtlai District pawh Assistant District Election Officer atan ruat a ni. Returning Officer, Asst. Returning Officer, Presiding Officer leh Polling Officer atan hian Sawrkar hnathawk, mi rintlak tak takte ruat an ni bawk.
Conduct of Officials : State Election Commission chuan inthlan a buatsaihna a mawhphurtu tupawh in duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni.

Ballot Box leh Ballot Paper : He By-Election ah hian Ballot Box leh Ballot Paper hman tur a ni anga. Inthlan neih tur hi General Seat-ah Ballot Paper var (white) hman tur a ni anga, Reserved Seat-ah Ballot Paper senno (pink) hman tur a ni ang.

Indelible Ink : Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink hnawih vek tur a ni ang.

Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag-te, Poster-te, Symbol-te leh thuziak, Political Party emaw Candidate lam kaihhnawih ziahna engmah tar loh tur a ni. He camp-ah hian pawm tlan theih tuemaw in a ho ang.

Village Council Term : Tun tum By-Election a LADC hnuaia Village Council member thlan thar term hun chhung hi General Election to Village Council under LADC 2018 term tawp rualin a tawp ang.

Model Code of Conduct : He By-Election ah hian dan pangngai angin Model Code of Conduct a awm anga, chu chu vawiin atangin Ngengpuikai, Hmawngbuchhuah, Dumzautlang, Laitlang leh Vathuampui Village Council Constituency huamchhungah lekkawh a ni. He Model Code of Conduct hian Political Party zawng zawngte, Contesting Candidate zawng zawngte, Minister-te, Member of Parliament-te, MLA-te, MDC-te leh Village Council inthlannaa inhnamhnawih Public Servant te a huam ang.

Vacancy of Village Council Seats under Lai Autonomous District Councils:

Schedule of Election :

Appeal : State Election Commission chuan inthlanna fel fai leh muanawm kan neih theih nan inthlan buaipuitu, Political Party te, Media te, NGO te leh mipui  tawiawmna a ngen a. Mipui duhthlanna kal tlanga tualchhung  inrelbawlna  tha  tak  kan  neih  zui  zel theih nana theih tawp chhuah theuh turin mitin te a ngen a. Tin, vote nei te chu vote thlak theuh turin a sawm a ni.