1552/2022-2023
Aizawl, the 11th August 2022; Aizawl Municipal Corporation huam chhungah I/7 – Leitan Ramthar Local Council leh VII/5 – Zemabawk South Local Council-te a lo piang thar a. Hetih lai hian IV/2 Ramthar North & V/1 – Electric Veng Local Council-ah te Member pakhat ve ve boral vanga Seat ruak hnawhkhah ngai a awm bawk a. Heng Local Council membership hmunruak hnawhkhat tur hian Article 243K leh 243Z of the Constitution of India- in thuneihna a pek dungzuia sub-rule (2) of Rule 17 of The Mizoram Municipalities (Ward Committee and Local Council) Rules, 2010 as amended leh sub-rule (1) of Rule 3 of The Mizoram Municipalities (Election to Local Council) Rules, 2015 as amended-in mawhphurhna a pek angin State Election Commission, Mizoram chuan ni 6th September, 2022 (Thawhlehni) hian inthlan a buatsaih dawn a ni.

Electoral Rolls : A chunga kan tarlan tak angin Leitan Ramthar, Zemabawk South, Ramthar North leh Electric Veng Local Council-ah te hmunruak hnawhkhah nan hian Rule 17 of The Mizoram Municipalities (Election to Local Councils) Rules 2015 as amended-in a sawi angin Summary Revision of Electoral Rolls chu 26.07.2022 - 08.08.2022 chhung khan neih a ni.

Identification of Electors : Vote thlak turte chuan an nihna tichiang turin Election Commission of India-in an siam EPIC an keng ngei tur a ni a, an neilo anih chuan mahni nihna ti chiang thei tur Identity Card dang State Election Commission, Mizoram-in Document a pawm te an keng tur a ni.

Vote thlak anih dawn in vote – ‘neitu dik tak a ni’ tih chian theih anih loh chuan vote an thlak ve thei lovang.

Dan leh thupek : Inthlanna felfai leh muanawm kan neih theih nan dan leh thupek kengkawh turin District Magistrate leh Superintendent of Police-te beisei an ni a. Eng thil mahin Inthlanna hi a tibuai tur a ni lo.

Election Officials : Deputy Commissioner, Aizawl chu District Municipal Election Officer atan ruat a ni a, Election Officer, Aizawl pawh Assistant District Municipal Election Officer atan ruat a ni. Returning Officer, Asst. Returning Officer, Presiding Officer leh Polling Officer atan hian Sawrkar hnathawk, mi rintlak tak takte ruat an ni bawk.

Conduct of Officials : State Election Commission chuan inthlan a buatsaihna a mawhphurtu tupawh in duh sak bik emaw hlauh bik emaw an neih a rem ti lova, a lai thei ang bera hnathawk tura beisei an ni. An zavai hian inthlan zawh hma chu State Election Commission hnuaiah deputation a kal anga ngaih an ni a, Commission thuneihna hnuaiah an thawk a ni.

Ballot Box leh Ballot Paper : He Election/By-Election-ah hian Ballot Box leh Ballot Paper hman tur a ni anga. Ballot Paper hi General Seat-ah a Var (White) hman tur a ni a, Reserved Seat-ah a Senno (Pink) hman tur a ni.
Indelible Ink : Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink hnawih vek tur a ni ang.

Common Election Camp : Party worker-te inkara boruak tha lo pumpelh nan Polling Station bulah Political Party-te leh Candidate-te awmkhawm nan Common Election Camp pakhat chauh siam phalsak a ni a, he camp hi mawlmang thei ang bera siam tur a ni. Flag-te, Poster-te, Symbol-te leh thuziak, Political Party emaw Candidate lam kaihhnawih ziahna engmah tar loh tur a ni. He camp-ah hian pawm tlan theih tuemaw in a ho ang.

Local Council Term : Tun tum Election/By-Election a Local Council member thlan thar term hun chhung hi General Election to Local Council 2020 term tawp rualin a tawp ang.

Model Code of Conduct : He By-Election ah hian dan pangngai angin Model Code of Conduct a awm anga, chu chu vawiin atangin Leitan Ramthar, Zemabawk South, Ramthar North leh Electric Veng Local Council Constituency huamchhungah chauh lekkawh a ni ang. He Model Code of Conduct hian Political Party zawng zawng, Contesting Candidate zawng zawngte, Minister-te, Member of Parliament-te, MLA-te, Municipal Councillor-te leh Local Council inthlannaa inhnamhnawih Public Servant te a huam ang.

Vacancy of Local Council Seats within Aizawl Municipality:

Schedule of Election :

Appeal :   State Election Commission chuan inthlanna fel fai leh muanawm kan neih theih nan inthlan buaipuitu, Political Party te, Media te, NGO te leh mipui tawiawmna a ngen a. Mipui duhthlanna kal tlanga tualchhung inrelbawlna tha tak kan neih zui zel theih nana theih tawp chhuah theuh turin mitin te a ngen a. Tin, vote nei te chu vote thlak theuh turin a sawm a ni.