190/2022-2023
Lunglei the 19th, April' 2022 : Vawiin khan Food, Civil Supplies & Consumer Affairs Department Lunglei buatsaihin DC's Conference Hall, Lungleiah India in zalenna a hmuh kum 75na lawmna Azadi Ka Amrit Mahotsav (AKAM) kal zelah hun hmangin Pradhan Mantri Garib Kalyan Yojana (PMGKAY) chunchang inhrilh hriatna hun hman a ni. Pu Kulothungan A, IAS, Deputy Commissioner, Lunglei in he hun hi a hmanpui a ni.

He hun hi Pi Carolyn L.B. Khiangte, District Civil Supply Officer, Lunglei in kaihhruaiin Pu Kulothungan A chuan India ram in zalenna a hmuh kum 75na Azadi Ka Amrit Mahotsav lawmna kal zela miharsa zawk leh chanhai ten ei leh bara an harsatna phuruk tura sawrkar laipuiin PMGKAY kal tlanga a thlawna buhfai a sem thin chu a tangkai hle tih sawiin hun khirh leh hun harsa karah pawh mi harsa te tana sawrkar hmalakna chu ramin a tangkaipui hle a ni a ti.

Azadi Ka Amrit Mahotsav puala hun hmanah Pu C.T. Biakthansanga, Inspector, FCS&CA chuan MPGKAY kalpui dan sawiin Apil 2020 atanga tan a nih dan leh tun thleng hian a thawh 5na thleng zawh fel tawh a nih thu a sawi a, a thawh 6na tur April atanga September 2022 chhungin kalpui leh tur a nih thu a tarlang a, Mizoram bikah Antyodaya Anna Yojana (AAY) leh Priority Householhs (PHH) chhungkua member tinin Buhfai thla khatah 5kgs theuh an dawn bakah Dal leh Chana te pawh sem thin thu a sawi a ni.

He huna telve AAY leh PHH chhungkua aiawhte pawhin sawrkarin a thlawna buhfai a sem an tangkai dan leh covid 19 hrileng kara hnathawh theih loh laia an rinpui ber chhuan chham lova an awm theihna chhan a nih thu an sawi. Lunglei District Retailers Association President Pu Lalmuanpui pawhin thu sawiin PMGKAY chungchang a hriattur pawimawh inhrilh hriatna leh zawhna leh chhanna hun hman a ni bawk.