191/2022-2023
Aizawl 19.4.2022: Chief Minister Pu Zoramthanga chuan tukin khan Lawngtlaia chawlhbuk sakna tur hmun ruahman a tlawh. Chief Minister hi nimin khan Lawngtlai thlengin, Areopagy-a khawtlang mipui te nena inkawmna hun a hmanpui.

Chawlhbuk sakna tura ruahman Chief Minister in a en hi Lawngtlai DC Quarter hlui bul a ni a. CM hi Pu H. Biakzaua Lawngtlai East bialtu MLA, Pu V. Zirsanga CEM, Pu C Rongura, Lawngtlai DC Dr Andrew H Vanlaldika leh mi pawimawh dangte'n an tawiawm a ni.

Chief Minister hi nimin khan Lawngtlai District leh Lunglei District ramri-ah Lawngtlai East Bialtu MLA Pu H. Biakzaua, Lawngtlai Bawrhsap Dr Andrew H. Vanlaldika leh Lai Autonomous District Council (LADC)-a Chief Executive Member Pu V. Zirsanga te bakah, LADC-a member-te, state sawrkar leh LADC hnuaia official-te'n lo hmuakin, an lo dawngsawng a. Tukin khan Siaha district panin a kal leh a ni.