192/2022-2023
Aizawl 19th April 2022: Vawiin khan Mizoram Social Defence & Rehabilitation Board (SLCA), Social Welfare & Tribal Affairs Department, Government of Mizoram leh National Institute of Social Defence, Ministry of Social justice & Empowerment, Government of India tangkawp chuan Govt. J Thankima College ah ‘One day awareness generation on drug abuse prevention’ programme a buatsaih a. Programme hi chawhnu dar 1:00 PM ah tan niin, college naupang 150 vel leh zirtirtu te an tel a ni.

Zirlai naupangte hnenah ruihhlo hman that-loh chungchangah zirtirna pek niin, ruihhlo laka mahni inven theih dan tur kawng hrang hrang zirtir an ni a, zirlai ten programme hi an hlut hle bakah zirlai thahnem tak ten ruihhlo tilo turin an intiam bawk a ni.

Mizoram Social Defence & Rehabilitation Board (SLCA), Social Welfare & Tribal Affairs Department, Government of Mizoram hian kawng hrang hrangin drug demand reduction programme hi a kalpui a, school leh college hrang hrangah te ruihhlo chungchanah zirtirna te neiin hun an hmang thin a, thalai-te Ruihhlo tilo tura zirtir (Early Prevention) leh tanpui ngai an nih chuan tanpuina hmun hrilhhriat a hruai thlen thlengin hma an la thin a ni.