2862/2023-2024

Lunglei;the 28th November, 2023: Vawiin chawhma khan DRDO Conference Hall, Lungleiah Mizoram Legislative Assembly inthlanpui 2023 buatsaihah Lunglei District chhunga Assembly bial paruk 30-Lunglei North, 31-Lunglei East, 32-Lunglei West, 33-Lunglei South, 34-Thorang leh 35-West Tuipui biala vote tla te chhiar huna Candidates, Election Agents leh Counting Agents te vote chhiar dan tur chungchangah briefing neih a ni. He hun hi Pi Ramdinliani, IAS, District Election Officer chuan a hmanpui.

Pi Ramdinliani chuan Saikuti Hall ground floor a vote chhiar a nih tur thu sawiin vote chhiar dantur leh ruahmanna an siam dan te bakah Candidates, Election Agents leh Counting Agents te hriattur leh zawm tur te a sawi. Vote chhiar tluang taka kalpui anih theih nan official te tha taka tawiawm theuh turin a sawm a ni.

Vawiin Counting training hi State Level Master Trainer Pu Beitlotha Nohro, DTO&DLAO, H.Zonunmawia SDO (C) Tlabung te chuan Counting Agents a ruat chungchang te leh vote chhiar ni a hriattur tul leh pawimawh te inhrilhriatna hun an hmang a. Postal Ballot, EVM leh Electronically Transmitted Postal Ballot System (ETPBS) chhiar dan te hrilhfiahna neih a ni bawk.