4720/2024-2025

Lunglei, 2025 Vau thla ni 20: Vawiin khan Lunglei District Chapchar Kut 2025 Organising Committee chu an Chairman, Additional Deputy Commissioner Pi Rochuangkimi Khenglawt kaihhruaiin Lunglei DC Conference Hall-ah an ṭhu khawm a. March ni 7, 2025 (Zirtawpni)-a Lungleia C. Ṭhuamluaia Muala Chapchar Kut hman dan an thlir let.

Chairman Pi Rochuangkimi Khenglawt chuan Lungleiah Chapchar Kut 2025 hlawhtling leh hlung taka hman a ni chu lawmawm a tih thu a sawi a. Organising Committee member-te inpekna leh ṭan rualna te, mawhphurhna hrang hrang neite ṭhahnem ngaihna leh inpekna leh District mipuite phurpuina leh ṭawiawmna vang a nih thu sawiin, lawm thu a sawi a ni.

He hunah hian Organising Committee Co-Chairman, Lunglei Sub-Headquarters YMA President Pu K. Lalfakzuala chuan sawrkar department hrang hrangte, Lunglei Municipal Council (LMC), YMA, MHIP, MUP, MCO, MCAA, MJA, LPA, Clean Lunglei leh mawhphurhna hrang hrang neite hma lakna tar langin, Chapchar Kut hlawhtlinna atana an thawh hona ṭha tak avangin lawm thu a sawi a. Organising Committee Secretary, Sub-Headquarters YMA Secretary Pu Zothanzuala Hnamte chuan Chapchar Kut inbuatsaihna kalpui dan leh Kut hman dan report tlangpui tar langin, sum hman dan leh sum dinhmun tar lan a ni bawk a. Member-te'n Chapchar Kut hman dan thlir letin, Chapchar Kut hlung taka hman a ni chu lawmawm an tih thu an sawi a. Chapchar Kut hmannaa thil chhinchhiah tlak leh zawngchhang chi te, hmasawnna atana rawtna leh duhthusam hrang hrangte an sawi ho a ni.