2671/2025-2026

Lunglei, 2025 Pawltlak thla ni 15: Mizoram Chief Secretary Pu Khilli Ram Meena, IAS-in December ni 17, 2025 (Nilaini)-a Lunglei tlawh a tum chungchangah, amah hmuah dan tur leh lo dawnsawn dan tur ngaihtuahin vawiin khan Lunglei District Bawrhsap Pi Navneet Mann kaihhruaiin Lunglei DC Conference Hall-ah sawrkar official-te an ṭhu khawm.

He hunah hian Chief Secretary-in Lunglei a tlawh huna hun hman dan tur ruahman lawk tlangpui thlir ho a ni a. Hlawhtling tak leh tluang taka hun hman a nih theih nana inpuahchahna leh inbuatsaihna tur thil ṭul leh pawimawh hrang hrangte sawi ho a ni.

Ruahman lawk dan chuan, Chief Secretary hian December ni 17, 2025 (Nilaini) chawhma lamah DC Conference Hall-ah Lungleia sawrkar office hrang hrang hotute nen an hma lakna hrang hrang an thlir ho ang a. Hemi zawh hian Civil Hospital Lunglei & Health ATM, Leitlangpui High School & Cosmic Classroom leh hmun pawimawh dangte a tlawh ang a. Lungleiah zan riakin, December ni 18, 2025 (Ningani) zingah helicopter-in Lunglei a chhuahsan ang.