1413/2023-2024

Lunglei the 8th, August'2023: Vawiin khan Lunglei District Disaster Management Authority bautsaihin Convention Centre Hall, Lungleiah Lunglei Municipal Council huamchhunga vengtin atanga YMA member thlanchhuah te pualin Community Based Disaster Management Training neih a ni. He hun hi Pi Ramdinliani, IAS, Deputy Commissioner leh Chairperson District Disaster management Authority, Lunglei nibawk chuan khuallian niin a hmanpui.

Community Based Disaster Management Training Pu H. Lalramenga, SDC, i/c DMR, Lunglei kaihhruaiah Pi Ramdinliani chuan chhiatna laka invenna kawngah leh chhiatna a thlenin veng , khua leh khawtlang hruaitute an pawimawh tak zet thu a sawi a. Lunglei District chhungah buaina leh harsatna a thleng mek a, LMC huam chhungah pawh chhiatna leh harsatna te a thleng a, tun hunah tak hian khawtin leh veng tinah chhanchhuahna thawhna kawngah khawtlang nena thawh ho a ngaih thu a sawi a, tuna training te hian in hriatna leh thiamna te mipuite hnenah hrilhhriata, a thehdarhtu ni thei turin a chah a ni. Chhiatna hrang hrang leimin, kangmei leh a dangte a thlenin chhanchhuahhna thawktu te dipdal zawnga mipui lo awmte buaipuitu (traffic control) hi pawimawh hle a, hmun zim leh inkalpawhna harsatna hmunah chhanchhuahna hna thawktute tibuai lova hmalakna tha tak a kalpui bakah chhiatna a lo thlen thulha chhanchhuahna hnathawhna hmanrua awmloh changa a tla chawp siam thiam a pawimawh thu te a sawi bawk.

Vawiin training-ah hian Pu David Rodingpuia, ASI, Lunglei Police Station in Traffic Management, Site Cordoning and Crowd Control, Pu Lalchhandama, Officer Incharge, Fire & Emergency Department Lunglei in Fire Prevention and Safety tih thupui hmangin zirtirna an pe a,  Quick Respone Team, LDDMA ten Search and Rescue Technique bakah chhanchhuahhna thawhdan hrang hrang a takin entirna an nei bawk a ni.