No.7083/2020-2021

Covid-19 Vaccination pek tur atana Lunglei District inbuatsaihna Dry Run chu Lunglei Deputy Commissioner hriatpuinain Govt. High School,  Lunglei leh  Venglai Govt. Primary School-ah te H&FW Department ten hlawhtling takin an kalpui.

Covid -19 Vaccine pek huna tih dan tur enchhinna neih ah hian a hmasa berah Healthcare  worker-te pek an ni dawn a, chumi zawhah Frontline workers Police, BSF,AR etc. te pek leh an ni ang.  Hei bakah hian kum 50 chin chunglamte ngaih pawimawh an ni leh ang a, kum 50 hnuailam natna benvawn vei hote ngaih pawimawh an ni leh bawk dawn a ni.

Covid-19 Vaccine la tur hian Data lakkhawm hmasak vek a ni dawn a, anmahni nihna tichiang thei tur (Identification  card) chi hrang hrang hman theih a ni ang. Data an lak laia Identification Card an hman chu Vaccine lak dawnah ken ngei ngei tur a ni a, list a awmlo te chu pek an ni dawn lo a ni. Tun dinhmunah chuan Vaccine hi Mizoram a lo la thleng lova, inbuatsaihna erawh ngawrh taka kalpui mek a ni.