No.7082/2020-2021

Vawiin chawhnu dar 1:00pm khan  District Hospital Siaha leh Maraland Gospel Centenary Hospital(MGCH)- ah District Immunization Unit,CMO office,Siaha buatsaihin Covid-19 Vaccine  lak dan tur enchhinna DRY RUN neih  a ni.

Covid-19 vaccine hi uluk tak leh fimkhur taka Covid-19 guidelines  leh SOP te zawm chunga  lak  a ngaih avangin, a lak dan tur pawh tihchhin  thlap ngai a ni. Vawiin Dry Run-ah hian District Hospital Siaha-ah beneficiaries 25 leh MGCH -ah  beneficiaries 25 ten  Covid-19  vaccine hi  an la chhin a ni.

Covid-19 Vaccine hi a thlawn a lak tur a ni a. Mahse mahni duhthu chauh va lak tur a ni thung, tumah tihluihna/ thupek hmanga lak luih tir tur a ni lovang. Siaha District-ah chuan Medical Department staff  ten an la hmasa ber ang. Mipui mimir ten Covid-19 Vaccine lakna tura  in register na tur Co-WIN apps pawh mumal taka mipui hnena tlangzarh thuai beisei a ni.

Vawiin Dry Run programme -ah hian nimina District Task Force for Immunization in a lo rel  tawh angin, Department hrang hrang ten an mawhphurhna chan theuh tha takin an hlen vek a ni.