4081/2024-2025

Lunglei, 2025 Ramtuk thla ni 4: Vawiin chhun khan Lunglei District Bawrhsap Pi Navneet Mann kaihhruaiin a hna thawh pindanah Mizoram Health Systems Strengthening Project (MHSSP) hma lakna hnuaia Lunglei District chhunga walkathon buatsaih tur chungchang sawi ho a ni.

He hunah hian District Administration, Health Department, Sub-Headquarters YMA ai awh leh kohhran hrang hrang ṭhalai hruaitute an tel a. Mizoram mipuite kan lo hrisel zawk nan MHSSP hnuaiah "hriselna atan kea kal", (walk for health) thupui neiin, Mizoram pumah village level leh district level walkathon buatsaih tura ruahman a ni a. Lunglei District-ah chuan khaw 114-ah buatsaih tum a ni.

District level bik atan Additional Deputy Commissioner chairman-na hnuaiah sub-committee din a ni a. Village level-a walkathon hlawhtling taka buatsaih a nih theih nan BDO ṭheuhte'n hma lo la se, tih a ni a. District level walkathon neih hun atan March ni 3, 2025 chu tin zawn niin, village level-ah chuan March ni 1 - 4, 2025 chhungin a remchan dana buatsaih ni se, tih a ni a. Walkathon buatsaih rual hian NCD awareness campaign buatsaih chhunzawm nghal zel tura ruahman a ni.

Attachment

  • Loading attachment...