District Child Protection Unit Lunglei buatsaih ‘Danin naupangte dikna humhalh dan’ leh naupangte venhimna kawng hrang hrang zirna Capacity Building with Media Personel chu vawiin khan I&PR Conference Hall Lunglei ah neih a ni.

He hunah hian Lunglei DCPO Pi Lalrinkimi Hmar chuan Integrated Child Protection Scheme sawifiahin Naupangte hian nun khawchhuah theihna chanvo, hmasawn theihna chanvo leh venhimna chanvo bakah ngaihdan leh thutluk siam theihna chanvo an nei tih a sawi a. Juvenile Justice Act, 2015 awmzia leh thiltum sawi fiahin Child welfare Commt. nihphung leh hnathawhte a sawi lang , Media person ten chanchin thar pholan kawngah pawh naupangte chanvo leh zahawmna zah sak a pawimawh thu a sawi lang bawk.

S. Lalrotluangi Legal cum Probation Officer pawhin naupangte mipat hmeichhiatna leh chumi atanga hmingchhiatna laka danin a humhimna POCSO Act. chung chang a sawifiah bawk. DCPU Lunglei report-in atarlan danin Kumin 2016 chhung hian Child Welfare Committee hnuaiah naupang thubuai 89 ziahluh a ni tawh a, Juvenile Justice Board hnuaiah naupang thubuai 42 ziah luh a ni tawh bawk a ni. Vawiina trainingah hian Lunglei-a chanchinthar lakhawmtute an tel a ni.