1858/2025-2026

Lunglei, 2025 Khuangchawi thla ni 10 : Vawiin tlai khan Lunglei AP Tlanga Incinerator Centre-ah Lunglei District Disposal Committee (DCC) chuan an Chairman, Lunglei District Superintendent of Police Pu J. Lalmuankima kaihhruaiin ruihhlo (heroin no. 4) gram 367.18 (₹ 10,23,360/- man hu) an hal ral.

Ruihhlo hal ralnaah hian DDC member-te – Sub-Divisional Officer (Sadar), Excise & Narcotics Assistant Commissioner leh Sub-Divisional Police Officer te an tel a. Heroin no. 4 hal ral tak hi Lunglei PS Case No. 124/25 Dt.01.08.2025 u/s 21(b)/29 ND&PS Act leh Lunglei PS Case No. 125/2025 Dt.01.08.2025 u/s 21(b) ND&PS Act hnuaia case ziah luh niin, Lunglei Judicial Magistrate First Class-I-in phalna a pek anga hal ral (pre-trial dispose) a ni.