3668/2023-2024

LUNGLEI; the 5th, February, 2024: Vawiin chawhma khan Dr. L.C. Liana, Senior Chief Medical Officer, Lunglei kaihhruaiin ama office chamberah District Level Coordination Committee for National De-Worming Day (NDD) 2024 leh District Level Committee on School Health Program ( Ayushman Bharat) hman dan tur leh hmalak dan tur rel a thutkhawmna neih a ni.

Thutkhawmna hun hi Dr. L.C. Liana, Sr. CMO, Lunglei chuan a kaihruai a, Dr. Lalrinthangi, Member Secretary NDD leh Senior Medical Officer, Lunglei nibawk chuan NDD hi Sorkar laipui Program a ni a, kumtin vawihnih hman thin a nih thu sawiin a tum ber chu naupang kum 1 atanga 19 inkar te rulhut laka ven a ni. India ram ah Mizoram hi NDD pe tha ber a nih thu a sawi.

Committee chuan NDD 2024 chu ni 9th February 2024 dar 11 AM ah Govt. Garden Primary School, Rahsi Veng hman tura rel a ni a. NDD ah hian naupang kum 1 atanga kum 19 inkar Govt, Govt. Aided, Private School, Anganwadi Centre, Pre-School, kum 1-5 AWC a inziak lut lo, kum 6-19 School kal lo leh College 1058 a naupang 76,000 te hnenah rulhut hlo 1st round pek tura ruahman a ni a. Nikum 2nd round August thla pek dan tarlang in School 1058 ah naupang 68,541 (99.2%) te hnenah rulhut hlo Albendazole pek a ni.

Dr. Lalrinthangi chuan School Health & Wellness Program (Ayushman Bharat) chungchang sawiin Ministry of Health & Family Welfare leh Ministry of Human Resources Development te hmalakna a ni a. National Level leh NCERT & MoHFW ten State SCERT leh Health Department te training of trainers turin min chher a, tichuan State ah SCERT leh Health Department hmalakna in District DIET te School Teacher te train leh turin training pek an nih thu a sawi a. He training ah hian Modules 11 a awm a, chu mi chu zirlai Ciricullam telh turin min beisei bawk a ni a ti. Teacher train tawh te chu Health & Wellness Ambassador (HWA) tia koh an ni. HWA te hi School tin atangin mipa leh hmeichhia teacher kum 45 la tling lo te thlan bik an ni. HWA te hian School ah naupang an zirtir leh chhawng ang a School tin ah Health & Wellness Messenger (HWM) 2 (1 mipa leh 1 hmeichhia) te an thlang ang a, module 11 activities an neih puitu turin School Health Program hnuaiah hian zirtirtu Health & Wellness Ambassadors thlanchhuah te hian an School theuh ah module hrang hrang te hmang hian session zirlai naupang te nen an nei thin tur a ni a. Session an neih zat leh naupang attend zat te Ministry of Health & Family Welfare lamah report zel angaih avangin kan District hmel lan na kawng ah hian kan thawhpui Department nen a tan tlan a ngai a ni a ti.

Lunglei District chhungah School 243 tuam tura ruahman niin School 151 cover tawh in Health & Wellness Ambassador 256 training pek an ni tawh a, Principal 145 te training pek an ni bawk.