Vawiin chawhnu khan Lunglei DC Conference Hall-ah District NLUP Coordinator Pu Zathangliana kaihhruaiin District Level NLUP Committee an thukhawm a, January ni 19-a Kuthnathawktute Ni lawmna thlirletna an nei.

Meeting-ah hian harsatna leh duhthusamlo nia hriatte tarlan a ni a, Kuthnathawktute Ni hman leh hun pawha tha zawk leh changtlung zawka hman theih dan tur nia ngaihte tarlan a ni bawk. Hei bakah hian NLUP beneficiary-te list reconciliation chungchangah Line Department te’n an kalpui mek zel tih tarlan a ni a, February ni 17-a Committee thutkhawm leh hmaa thehluh hman an in beisei thu tarlan a ni.

NLUP Implementing Board (NIB) duhdan angin Lunglei District chhunga NLUP beneficiary hlawhtlingte chanchin pholanna ‘NLUP Achievement Report cum Success Stories’ Line Department ten an buatsaih dan tur sawiho a ni bawk.