4354/2023-2024

LUNGLEI; the 27th March, 2024: Nimin chawhnu dar 3:00 khan Pi Ramdinliani, District Bawrhsap leh District Election Officer nibawk hovin DC Conference  Hall-ah District  Level Standing Committee  ten Model Code of Conduct  chungchangah meeting an nei.

He meeting-ah hian Pi Ramdinliani chuan boruak muanawm tak hnuaia  Inthlanna felfai leh thianghlim tak neih tur chuan  Model Code of Conduct hi mitinin kan zawm that a tul a. Hemi kawngah hian Tlawmngai pawl leh Kohhran hrang hrang te bakah Political Party a tul hrang hrang te thawhpuina leh tawiawmna kan mamawh leh hle dawn a ni. Tahrik ni 16/3/2024 a Lok Sabha Inthlan  puan a nih atang khan Model Code of Conduct hi  hman tan a lo ni ta a. Lunglei Distrcit hi Model Code of Conduct zawm that kawngah kan hming a tha in, Election Observer te pawhin Lunglei District hi min fak hle thin a ni.  Khawi hmunah pawh MCC bawhchhiat  awma in hriat  chuan MCC Nodal Officer hnenah  complain/report  theih reng a ni a, hemi atan hian MCC Nodal Officer Number pawh  mipui hnenah thehdarh vek tawh a ni, a ti.

He meeting-ah hian  Kohhran hrang hrang aiawh te, tlawmngai pawl (Sub Hqrs YMA, MHIP leh MUP) aiawh te, MJA Lunglei, Political Party hrang hrang aiawh te leh concern  official te an tel a ni.