3695/2024-2025

Lunglei, 2025 Pawlkut thla ni 6: Vawiin khan Lunglei District Level Steering Committee on Aspirational Block Programme chu District Bawrhsap Pi Navneet Mann hovin Lunglei DC Conference Hal-ah an ṭhu khawm.

Pi Navneet Mann chuan Aspirational Block Programme kalpui mekah kum 2024 chhungin Lungsen RD Block chu hma lakna chi hrang hrangah pakhatna a nih thu leh hemi vang hian NITI Aayog aṭangin lawmman ₹ vaibelchhe 1.5 dawn a nih thu a sawi a. Hei hi Lungsen RD Block tihhmasawn nan ṭangkai taka hman a nih theih nan department hrang hrangte chu rawtna siam tur leh rawtna hrang hrangte chu January ni 31, 2025 hmaa theh lut turin a chah a ni.

He ṭhut khawmah hian hriselna (health), zirna (education) leh naupangte hmasawnna tura hma lalna (ICDS) tihchangtlun nan ruahmanna kalpui ni se tih niin, hemi kaihhnawih department-te hian hma lakna tur ruahmanna lo siam se, tih a ni.