4593/2024-2025

Lunglei, 2025 Vau thla ni 10: Vawiin khan Lunglei District Skill Committee (DSC) chu an Chairman, Lunglei District Bawrhsap Pi Navneet Mann hovin Lunglei DC Conference Hall-ah an ṭhu khawm a. Lunglei District Skill Development Plan (DSDP) 2025-2026 ruahman dan tur an sawi ho.

Chairman Pi Navneet Mann chuan District ṭhalaite leh kut hna thawktute'n mahni kut kawiha ei zawnna an neih theih nan leh intodelhna kawng an zawh theih nan an theihna leh thiamna hai chhuak tur leh a ṭul anga chher hriam turin department hrang hrang hnuaiah thiam thil bik zirtirna, skill training tam zawk ruahman a pawimawh thu a sawi.

He hunah hian District Skill Development Plan ruahman dan tur inkaihhruainate tar lan niin, skill development lama hma lakna tur rawtna hrang hrang - career guidance buatsaih, officer-te'n sikul leh college-a class lak, District puala skill development website/mobile application buatsaih, thiam thil neite leh a ruai duhtute indawr tawnna tur website/mobile application ruahman leh rawtna dang dang sawi ho a ni a. Line department-te'n kum khat kal ta chhunga skill training an lo buatsaih tawh dan leh a rah chhuah te, hmasawn leh ṭan lak ngaihna lai te tar langin, an sawi fiah bawk a. District Skill Development Plan ṭha leh awmze nei zawk ruahman a nih theih nan format duan sa hmangin line department-te'n plan-a telh tura an duhte ziakin DC office-ah theh lut se, chumi aṭang chuan Lunglei DSDP 2025-2026 chu duan ni se, tih a ni.

Attachment

  • Loading attachment...