4018/2023-2024

LUNGLEI; the 29^th February,2024: Vawiin chawhnu dar 2:00 khan district Bawrhsap office chamber-ah District Task Force on Immunization chuan Intensified Pulse Polio Immunization(IPPI) chungchangah meeting an nei a. Pi Ramdinliani IAS district Bawrhsap leh Chairman IDFI ni bawk chuan meeting a kaihruai a. Meeting-ah hian National Immunization Day(NID) pual a zenghri venna vaccine pek beihpui thlakna kalpui dan tur khunkhan taka sawi ho a ni. Pi Ramdinliani chuan National Immunization pualin Lunglei district chhunga naupang kum 5 chin hnenah zenghri venna vaccine pek beihpui thlak turin Sr.CMO office in ruahhmanna felfai tak an siam a,he mi kawngah hian sawrkar, khawtlang leh tlawmngai pawl hruaitute thawh ho a pawimawi thu sawiin, Lunglei district atanga zenghri umboh a nih theih nan kan za vaia tihtak zet kan thawhho a ngai a ni, a ti.

Vawiin meeting-ah hian Dr.Lalhlimpuii,SMO (WHO) chuan Power point presentation hmangin Lunglei District-a  IPPI lo kalpui tawh dan leh hmachhawp te,tun NID a IPPI kalpui dan tur te entirna leh report pekna hun a hmang bawk a ni.

Tahrik ni 5^th March, National immunization day hian Lunglei District hmun hrang hranga SDH/CHC/PHC leh MC awmna  khua/veng 16-ah Vaccine Booth 235 hawn a ni dawn a. Heng Vaccine booth kal tlang hian Lunglei district chhunga naupang kum 0-5 inkar mi 14917 hnenah zenghri danna vaccine hi pek tura ruahmanna siam  a ni.

Hetiang hian mipui hnenah District Immunization Officer, Lunglei district chuan Mipui hnenah hriattirna a chhuah bawk.

ZENGHRI NATNA UMBO BEIHPUI NEIH ANI LEH DAWN

DT: 5.03.2024 (THAWHLEHNI) HIAN ZENG HRI DANNA LUNGLEI DISTRICT-AH PEK TUR ANI A. NAUPANG KUM 5 HNUAILAM ZAWNG ZAWNG TE EI VEK TURIN KAN INHRIATTIR A NI. VACCINE PΕΚΝΑ VENG HRANG HRANGAH A AWM DAWN A, CHUTAH CHUAN NU LEH PA TEN NAUPANG KUM 5 HNUAILAM ZAWNG ZAWNGTE KALPUI VEK TURIN KAN IN NGEN A NI.

LUNGLEI DISTRICT AH HIAN NAUPANG KUM 5 HNUAILAM TARGET 14917 AN AWM A, BOOTHS ZAT HI 235 A AWM A NI.

ZENGHRI (POLIO MYELITIS) HI INDIA RAMAH UMBO TAWH NI A NGAIH NIMAHSE KAN RAM THENAWM LEH KHAWVEL HMUN HRANG HRANGAH UMBO ALA NIH LOH AVANGIN HUN ENGEMAW CHEN CHU A VENNA HI KALPUI ALA NGAI A NI