3980/2022-2023
Lunglei the 24th March, 2023 – Lunglei District Level Coordination Committee (DLCC) on Implementation of National Tobacco Control Programme (NTCP) chuanvawiin khan an Chairman Lunglei DC Pi Ramdinliani hovin DC Conference Hall-ah meeting an nei.

Meeting-ah hian State Nodal Officer NTCP Dr Lianthangpuia, State Consultant NTCP Pu R. Lalremruata leh Lunglei DLCC member-te an tel a ni.

Lunglei District Consultant NTCP Dr Lalnunsiama Renthlei chuan vaihlo dona kawnga Lunglei NTCP te hmalakna hrang hrang a tarlang a. Kum 2022-23 chhung khan District Leleve Coordination Committee vawi khat neih a ni a, Zirna in hrang hrangah vawi 21 Awareness program hman a ni a, training hi vawi khat buatsaih niin kohhranah awareness program tum 5 neih niin Enforcement Squad Drive vawi 23 neih a ni.

Civil hospital Lunglei OPD No 11 ah Tobacco Cessation Clinic din niin Monday to Saturday chhungin a duh apiang tan a pan theih a. 2022-23 chhungin mi 319 (mipa – 172, hmeichhia - 147) ten vaihlo nghei duhin Tobacco Cessation Clini hi an pan a, an zinga mi 137 (mipa – 68, hmeichhia - 69) ten vaihlo an nghei thei a ni.

Zirna In tin te vaihlo laka fihlim an nih theihnan Tobacco Free Educational Institution (ToFEI) chu Lunglei District-ah pawh kalpui chhoh mek niin District Education Officer nena tangkawpin chak zawka kalpui ni se tih meeting chuan a rel a. COTPA 2003 pawh khauh zawka kenkawh anih theihnan Police te nen tangruala hmalak chhunzawm zel ni se tih meeting chuan a rel a.

Thalai kum 13 atanga kum 15 inkar te vaihlo hman dan zirchianna Global Youth Tobacco Survey (GYTS) India, 2019 report in a tarlan danin Mizoram chu Arunachal Pradesh nen naupang kum 13-15 inkar vaihlo hmang thin tam berna State niin za zela 57.9 ten vaihlo (tobacco products) an hmang thin tih tarlan a ni a. DLCC chuan kum naupang te atanga vaihlo hmang tan an tam chu a veiawm takzet thu sawiin School leh kohhran-te nena tangkawpa hmalakna kalpui chhoh ni se tih an rel a. School leh College-te pawh an program hrang hrang hman naah anti tobacco awareness program kalpui tel thin se tiin Principal-te leh School Education hotute chu hma la turin an ngen a ni.