3951/2024-2025

Lunglei, 2025 Pawlkut thla ni 24: Vawiin chawhma dar 11 khan Lunglei Police te'n ruihhlo an man, Heroin No. 4 gram 109.03, Rs 3,27,090/- man hu chu Lunglei District Superintendent of Police & Drugs Disposal Committee Chairman Pu J. Lalmuankima kaihhruaiin Lunglei AP Tlanga thil hal ralna thuk (incinerator) bun tharah hal ral a ni.

He hunah hian District Drugs Disposal Committee member - Sub-Divisional Officer (Sadar) Pi TT Beikhaizi, Excise & Narcotics Assistant Commissioner Pu B. Ngurchhuana leh Lunglei Sub-Divisional Police Officer Pu Zarzokima te an tel a ni.

Vawiina hal ral tak damdawi Heroin No. 4 te hi (1) LLI-PS C/No. 186/2024 Dt.27.09.2024 u/s 21(b) ND&PS Act, (2) LLI-PS C/No.206/2024 Dt. 16.11.2024 u/s 21(b) ND&PS Act leh (3) LLI-PS C/No.213/2024 Dt. 05.12.2024 u/s 21(b)/25/29 ND&PS Act kaihhnawiha man a ni a. He'ng case-ah hian mi pali (4 person) man an ni.