2285/2026-2027

Lunglei, 2026 Mimkut Thla ni 21: Vawiin khan Lunglei District Sports & Youth Officer (DSYO) Pu Rozamliana chuan 2026 Women's Hockey Junior Asia Cup-a champion Team India ai awha khel, Lunglei Electric Veng nula F. Lalbiaksiami chu a pisaah thingpui inpuiin, chawimawina a hlan a. District Hockey Association hruaitute'n an ṭawiawm.

Lunglei DSYO Pu Rozamliana chuan Lunglei aṭanga India Team-a tel pha leh Hockey Junior Asia Cup-a champion thei hockey player F. Lalbiaksiami chu chhuanawm leh entawn tlak a tih thu a sawi a. A hlawhtlinnaah a lawmpui thu sawiin, hlawhtlinna sang zawk chang zel turin duhsakna a hlan a. Sport chu tih tak taka tite tan thui tak thlen theihna leh ei zawnna tlak a nih thu sawiin, ṭhalaite'n sport chu uar deuh deuh tur leh awmze neia khel zel turin a chah.

F. Lalbiaksiami chuan 2026 Junior Asia Cup an khelh dan a sawi a. Kawng hrang hranga amah buaipuitu leh lawmpuitute chungah lawm thu a sawi.

F. Lalbiaksiami hi Thenzawl Girls' Hockey Academy chhuak niin, tunah hian Bangalore SAI Centre of Excellence-ah a awm mek a. A telna Team India chu September 4–13, 2026 inkar chhunga Moqi Training Base, Moqi, China-a khelh 2026 Women's Hockey Junior Asia Cup-ah champion-in, FIH Hockey Junior World Cup 2027 (Women) khel turin an tling nghal bawk.