NEDP hnuaia din Mizoram State Entrepreneurship Development Monitoring Committee (MEDMOC) bultumin vawiin chawhma khan Lunglei Convention Centre-ah Entrepreneurship Awareness Campaign buatsaih a ni a. H&TE Commissioner & Secretary Pu Benjamin, IDAS chu Khuallian a ni.
Pu Benjamin chuan sawrkarin kan zavaia thawh tur hna a siam thei dawnlo a, chuvang chuan sawrkar hna bakah eizawnna kawng dang kan dap a ngai a ni, a ti a. Hei hi sawrkar chuan ngaipawimawhin, mimalin mahni kutkawih ngeia eizawnna (entrepreneurship) a haichhuah nan Entrepreneurship Development Scheme chu a rawn duang a ni, a ti. Mizote hi kawng kan inkawhhmuh hian kan in dimdawi lutuk a, kan thang hleitheilo thin a, hei hi kan mutan lian tak a ni, a ti a. Entrepreneur ni tur chuan hei hi kan hmachhawn ngam a, risk kan lak ngam a ngai a ni, a ti. Midang tihdan ringawt en lovin, kan tui leh thiam zawng te hrechiang a, keimahnia thiam thil awm te hai chhuak in hlawtlin kan tum zawk tur a ni, a ti bawk.
Dr. Laldinliana Varte, Expert Member, MEDMOC chu resource person niin, entrepreneur ni tura tangkai te zirtirna a nei a. NEDP hnuaia Entrepreneurship Development Scheme-in a tum te sawizauna a nei nghal a ni.
He programme hi Pu C. Lalzuiliana, SDC chuan kaihruaiin zawhna leh chhanna hun hlawk thlak tak neih a ni a. Department official te leh college hrang hrang atanga zirlai naupangte an tel a ni.
