Ni 9.10.2018 khan Convention Centre, Lungleiah UD&PA Department buatsaihin Faina Hapta 2018 kharna leh Khawpui fai inelna lawmman pakhatna lak lawmna neih a ni. 

He hun ah hian Chief Guest Lunglei DC Dr Ankita Chakravarty chuan faina kawng ah Lunglei in nasa taka hma a sawn thu sawi in Khawpui fai Inelna 2018 a District Headquarter fai ber a ni thei chu mipui tanrual rah a ni tiin mitinten faina kawngah mawhphurna pawimawh tak kan nei theuh a ni tih I hre thar leh ang u, a ti a. Tin Nodal Department in mipuite faina lama pen chhuak tura hma a la hi a ropui thu a sawi bawk. 

Faina Hapta 2018 kharna leh District Headquarter fai ber lawmna ah hian Lunglei DUDO in report a pe a, faina hapta chhunga hmalakna leh khawpui fai inelna tana inbuatsaihna,mark hmuh dan leh hmasawnna hrang hrang a tarlang bawk. He hun ah hian Lunglei khua a NGO te leh VC te an kal tha hle a,hlim takin Faina Hapta kharna leh fai lawmman lak lawmna an hmang ho a ni. 

Faina Hapta chhung hian school fai,veng fai,essay writing,slogan inphuah siak leh extempore speech te a inelna buatsaih a ni a,Veng fai ber chu Sethlun a ni a,office fai ber chu Assistant  Registrar, Cooperative Society a ni,school erawh category thum ah then ni in Category hrang hrang pakhatna te chu: Elementary school (Below 50 enrollment) ah Govt P/S 1,Zotlang; Elementary school (Above 50 enrollment)  Govt P/S 1 Pukpui; High School and Above Govt High School Pukpui te an ni.