Election Commission of India (ECI)-in Mizoram MLA inthlan hun tur a puan a, model code of conduct (MCC) hman tan a nih tak avangin ni 8.10.2018 khan District Election Officer/ Deputy Commissioner Dr Ankita Chakravarty, IAS hovin Lunglei District chhunga inthlan kaihhnawiha inbuatsaihna leh tih tur hrang hrangte sawi ho a ni. He hunah hian Lungleia election kaihhnawih sawrkar official-te an kalkhawm a. MCC hman laia hna thawh dan tur te, inthlan lo awm tura sawrkar hna thawkte tih tur hrang hrang leh tluang taka inthlan kalpui a nih theih nana hma lak dan tur te an sawi ho a ni.