Ni 8.10.2018 khan General Border Roads (East) Addl. Director General (ADG) Pu Umesh Chandra Mehta chuan Project Pushpak a tlawh a. Ram tana nunna hlan ta te pualin hun hman a ni a. Hemi hnu hian Project Pushpak mi leh sate nen inkawmna hun neih a ni.  Project Pushpak hnathawh hrang hrang sawi hona neih a ni a, thahnemngai taka an hnathawh chhunzawm zel turin a fuih a ni. Vawiin khan Mizoram Governor Pu Kummanam Rajasekharan hmu lehin Project Pushpak hnathawh leh hmachhawp te, tunhnaia Swachh Bharat Abhiyan hnuaia khawpui tihfai hna Project Pushpak in a kalpui thu te an sawi dun a. Governor chuan Project Pushpak hnathawh hrang hrang fakin thawhhona tha zawk a awm zel a beisei thu a sawi a.  General Border Roads (East) Addl. Director General (ADG) Pu Umesh Chandra Mehta hi Border Roads Wives Welfare Association (East) President Pi Nirupma Mehta chuan a tawiawm a ni.