Nimin  khan Horticulture Department , Lunglei Division buatsaih in YMA Sub-Hgrs Conference Hall Lunglei ah Farmers Training and Discussion on Cultivation of Dragon Fruits niin he hunah hian Dragon Fruits chungchang a phun dan leh enkawl dan inzirtirna neih ani.

Dragon Fruits chindan leh enkawl dan inzirtirna hun hi Pu C. Lalremsiama, ADHO Lunglei Division in kaihruaiin Pu C. Lalremsiama chuan Mizoram ah Dragon Fruits hi kum 4 vel kal chho pui ani a, rah tha tak hmuh niin Mizoram sorkar chuan kuthnathawtu te hmakhua ngaih avangin a ngaipawimawha, hemi anih avang hian Dragon Fruits a tui, chin tum leh ching tawh te tan a chindan leh enkawl dan zirtir a ngaih thu a sawi.

Pu Lalthlamuana, Consultant Horticulture Deptt. Aizawl in Dragon Fruits ching tur te leh ching tawh te tana chin dan leh enkawl dan zirtirna a pe a. Hlawk zawka tharchhuah dan te sawiin, Dragon Fruit hi chin atanga kumkhat ah a rah a seng theih a. Kumkhat ah vawi 5 a rah a seng theih a, kung khat ah pum 60 a rah thei a, a hralhna ah harsatna a awm lova, tun dinhmunah Kg khatah Rs 250 in a hralh theih thu a sawi a ni.

Nimina Dragon Fruits Training neihah hian, Lunglei khawpui chhung veng hrang hrang atanga thlanchhuah te an tel a ni. Zawhna leh chhanna hun te hman a ni bawk.