Assembly Constituency pasarih awmna Lunglei District Final Electoral Roll 2019 chu Election Commission of India ruahmanna angin vawiin khan Lunglei District Election Officer Pu Benjamin Lalzama chuan DC Conference Hall-ah a tlangzarh. Vawiin Final Electoral Roll tlangzarhna programme-ah hian election lam kaihhnawih sawrkar official te bakah Political Party hruaitute, MJA hruaitute leh tlawmngai pawl aiawhte an tel tha hle. 

Pu Benjamin Lalzama chuan Lunglei District Final Electoral Roll 2019 a hun taka peih fel tura nasa taka thawk tu DC Election Branch, ERO, AERO, BLO te thahnemngaihna leh thawhrimna chu fakawm a tih thu a sawi. Lunglei District-in Electoral Roll  dik leh felfai tak a neih theih nan thahnemngai taka hma la theuh turin kalkhawmte a sawm. Electoral Roll a hming la zaik lut hmanlo te leh siamthat ngai nei te tana in ziah luhna hun ‘Special Camp for Left Out Voters’ 2^nd &3^rd March 2019 ah buatsaih a nih tur thu sawiin Polling station tinah BLO te an duty dawn a. Hemi chungchang hrechiang duh te tan BLO leh ERO te zawhfiah theih an nih thu DEO chuan a tarlang bawk.

Final Electoral Roll in a tarlan dan in Lunglei District-ah voter 1,06,627(mipa – 53010, hmeichhia - 53617) an awm a, Assembly Constituency hrang hrang dinhmun chu hetiang hi a ni:

1.      Roll hnuhnung ber atanga pun dan    :           Male:               52234 – 53010 = 776

                  Female :          52841-53617 = 776

                       Total:          105076-106627 = 1552

2.      Punna Sang Ber                                   :           34-Thorang AC = 341 (2.59%)

3.      Punnna Hniam Ber                              :           33 – Lunglei South = 86 (0.50%)

He hunah hian Pu Benjamin Lalzama chuan chuan Party aiawh te hnenah Final Electoral Roll hi a sem chhuak a ni.