Election Commission of India thupek angin Mizoram pumah 01.01.2019 Qualifying date-a hmangin Special Summary Revision of Photo Electoral Rolls, 2019 neih a ni a, ni 22.02.2019 hian Final Rolls tarchhhuah a ni. Aizawl District-ah electors 5307 in an punbelh a, a punbelhna hi 1.83 % a ni.

Aizawl District ah Assembly Constituency 14 a awm a. Draft Photo Electoral Rolls, 2019 chu ni 28.12.2018 khan mipuite en theih turin tarchhuah a ni. Hemi ni atang hian 25.01.2019 thlengin dilna Form chi hrang hrang thehluhna hun hawn a ni. Hun tiam chhunga dilna lutte chu 26.01.2019 - 11.02.2019 chhungin ERO/ AERO ten Veng /Khaw tina LC, VC, NGO, BLO leh Political Party-te tawiawmnain an enfiah a. ERO/AERO-ten an thehluh hming thun thar ngai, hming paih ngai leh siam that ngai te chu EROnet-ah thun a ni.

Form hrang hrang lut hi chinfel a nih hnuin Photo Electoral Rolls, 2019 chu mipuite en theih turin ni 22.02.2019 (Zirtawp ni) hian peih fel a lo ni ta a. He Roll hi a duh apiang en theih turin DC Office, ERO/AERO office bakah vengchhunga Booth Level Officer te hnenah dah a ni ang.

Election Commission of India-in ruahmanna a siam angin, Final Electoral Rolls, 2019 hi Recognized National Party leh State Political Party te hnenah a thlawnin a copy pek an ni. Aizawl District huam chhunga Assembly Constituency 14-ah Polling Station 331 a awm a, chawh rualin Polling Station pakhat zelah Electors 890 awm ang an ni. Electoral Roll-a lut tharte chu a thlawnin EPIC pek vek an ni ang.  He Special Summary Revision of Photo Electoral Rolls, 2019 tluang tak leh hlawhtling taka neih a nih theih nana rim tak leh thahnemngai taka thawktu - ERO, AERO, Local Councils, VCs, Political Parties, BLO, YMA, MHIP, MUP, Election Bracnh leh Media chungah District Election Officer, Aizawl chuan lawmthu a sawi a ni.

Final Electoral Rolls, 2019 tihchhuah taka Aizawl District dinhmun chu Assembly Constituency- wise-in hetiang hi a ni:-