No.3667/2021-2022

Aizawl the 14th, January, 2022: Vawiin chhun khan Lunglei DC's Conference Hall ah Deputy Commissioner leh Chairman, District Level Committee on Fire Prevention, Lunglei District ni bawk Pu Kulothungan A, IAS kaihhruaiin Lunglei a Fire Prevention Week 2022 hman dan tur rel a ni.

Chairman Pu Kulothungan A, chuan Fire Prevention Week 2022 hmandan tur rel tura member kal te chu  lo lawm in, kumin Fire Prevention Week chu 7th-12th February 2022 chungin hman nise, a hawnna chu 7th, February 2022 ah Convention Centre, Lungleiah Covid -19 laka fimkhurna dan zawm chung si a hman nise, khuallian atan Vice Chairman, HPC, Lunglei Pu Lawmawma Tochawng sawm nise tih rel a ni. Meeting chuan State Level Fire Prevention Committee in kumin chhunga lo hal hun tawp atan 15th , March 2022 a ruat chu Lunglei District chhungah pawh hman nise, Nikuma an lo tih tawh angin kumin ah pawh kang mei laka ram veng tha khua pathum (3) te hnenah Fire Prevention Award 2022 pek nise tih rel  niin hemi bakah hian khaw pathum (3) hnenah Consolation Prize pek tura tih a ni bawk.

The Mizoram ( Prevention and Control of Fire in the Village Ram) Rules 2021 chu Lunglei District chhunga VC ten khauh taka kengkawh turin hriattir nise, YMA Sub Hqrs,Lunglei te pawh kangmei laka fimkhur turin mipuite hnena hriattir tura ngen nise tih rel a ni bawk.