1293/2022-2023

Nimin khan Lunglei District Election Officer Pu Kulothungan A hovin Lunglei DC Conference Hall-ah election kaihhnawih application Garuda leh form thar te zirhona hun hman a ni.

Training-ah hian Lunglei Election Officer Pi C. Lalduhzuali leh Lunglei District huamchhunga Electoral Registration Officer (ERO) leh Assistant Electoral Registration Officer (AERO) te an tel a ni.

Lunglei District Election Officer Pu Kulothungan A chuan Lunglei District electoral roll dik leh felfai tak neih anih theihnan training ngawrh taka kalpui chhih anih tur thu sawiin BLO te tan August thla hian training Lunglei, Tlabung leh Bunghmun ah ruahman a ni dawn a ni, a ti a. Electoral Registration Officer (ERO) leh Assistant Electoral Registration Officer (AERO) te chu an mawhphurna tha taka hlen chhuak tur leh harsatna an neihte a hnena thlen vat thin turin a chah a ni.

Election Commission of India (ECI) ruahman Application hmanga election kaihhnawih hna thawhna Garuda Application chu zirho niin he application hman dan hi BLO te zirtir leh an ni dawn a. Tin, ECI ruahmanna thar election kaihhnawih form tih danglam te pawh zirho a ni a.

Heng form pawimawhte hi:

Form 6 – Electoral Roll a inziaklut thar tur te tan

Form 7 – Electoral roll atanga hming paih dilna

Form 8 – Roll-a transfer duh tan, EPIC-a detail siam that ngai, EPIC ti bo emaw ti chhe tan a thar dilna leh Rualbanlo (PwD) nihna chhinchhiah

Kum tling thar te tan Electoral roll-a hming inziaklut turin qualifying date 1st January chauh tih thin chu tih danglam tur niin Qualifying date pali – 1st January, 1st April, 1st July, 1st October siam thar a ni a. Summary Revision of Electoral Roll kalpui hunah hei hi bawhzuia kalpui a ni dawn a ni.