1294/2022-2023
Dated Serchhip, the 20th July, 2022: Pu Lalmuansanga Ralte, Addl. Deputy Commissioner, Serchhip District chuan Mizoram Sawrkar Disaster Management & Rehabilitation Department lehkha No. B. 13021/101/2020-DMR/Vol-VII dt. 11.07.2022 bawhzuina atan leh Covid-19 hri darh zel tur ven nan a hnuaia tarlante hi Serchhip District chhunga mipui te zawm tur hriattirna a chhuah.
1. Mitin Covid-19 hri laka kan fihlim theih nan theihtawp chhuaha inven tur a ni. Covid Appropriate Behaviour-a mawhphurhna kan neihte tha taka zawm vek tura beisei kan ni.
2. A bik takin, sakhaw biakinah te, mitthi vuinaah te, inneih inkhawm, sports inelna leh mipui punkhawmna hmun dangah zai leh thusawi laiin hmai tuamna (facemask) vuah ngei tur a ni.
3. Mipui punkhawmna hmun, sakhaw biakna hmun leh puipunna dangah te chuan tha taka social distancing zawm tur a ni.
4. Phalna pekna hmuna thil tih hona reng rengah, Covid-19 hri darh lohna turin CAB/SOP tha taka kengkawh turin thuneitute beisei an ni.
5. Office, dawr, vantlang hmun pawimawhte vawn fai leh tih thianghlim chungchangah a hmunhma thuneitu theuhte’n mawh an phur a, beauty parlour, spa, gym leh lumehna hmunte leh hmanrua chu tih thianghlim (sanitize) fo tur a ni.
