1551/2025-2026

Lunglei, 2025 Thlazing ni 7: Hon'ble Governor of Mizoram, General (Dr) Vijay Kumar Singh, PVSM, AVSM, YSM (Rtd)-in August ni 8, 2025 (Zirtawpni)-a Lunglei tlawh a tum chungchangah, amah hmuah dan tur leh lo dawnsawn dan tur ngaihtuahin vawiin khan Lunglei DC Conference Hall-ah sawrkar office hotute, sipai hotute, Village & Local Council Association ai awhte, kohhran hruaitute leh pawl hrang hrang ai awhte an ṭhu khawm.

Ṭhut khawm hi Additional Deputy Commissioner Pi Rochuangkimi Khenglawt chuan a kaihruai a. Governor-in Lunglei a tlawh huna ven himna lam leh lirthei chet vel dan ruahmanna te, medical duty leh service pawimawh hrang hrang ruahmanna te, department leh pawl hrang hrang tih tur leh mawhphurhna te sawi ho a ni.

Ruahman lawk dan chuan, Governor hian zing dar 10-ah DC Conference Hall-ah Lungleia sawrkar office hrang hrang hotute inkawm hona hun a hmanpui ang a. Dar 11:20-ah Circuit House-ah tlawmngai pawl hrang hrang hruaitute leh ex-servicemen-te nen an inkawm ang a. 20 Assam Rifles Headquarters leh Lunglei Chanmari-a martarte hriat rengna, War Memorial a tlawh bawk ang.