1552/2025-2026

Aizawl the 7th August, 2025 : Electric Energy Meter hmanlai mek chu Pre-paid leh Post paid atana hman kawp theih Smart Meter-a thlak vek tur a nih angin Mizoramah pawh Smart Meter vuah hna hi thawh tan a ni a, hemi chung changa mipuite hriattirna leh ngenna te:

1. Mizoram-a Smart Meter vuah/thlak hna hi Satnam Global Infra Project Ltd te’n an thawk mek a, Meter thlak tura lokal te hian I.D Card an nei ngei tur a ni a, I.D Card nei lo meter thlak tum an awm chuan P&E Department Office ah hriattir vat turin kan in ngen a ni.

2. Meter thlak man hi mipui te’n kan pek a ngai lo a, Meter thlak man dil an awm a nih chuan P&E Department office ah a rang lama hriattir tur a ni.

3. Meter thlak tute hian meter thlak chauh hi an hna a ni a, Consumer te electric wiring an khawih danglam sak ve ngawt a thiang lo. Consumer te’n kan electric wiring khawih danglam kan duh a nih chuan electric wiring ti thei a hrana chhawr tur a ni ang.

4. Smart Meter hi sang lutuk emaw hniam lutuk emaw ah vuahtir lovin, a theih chuan Mit zawn (eye level) ah lo vuah tir turin kan in ngen a ni.

5. Meter thlak hna tluang taka a kal theih nan leh Consumer No leh Consumer hming dik taka chhinchhiah a nih theih nan meter thlaktu te hnenah Electric Bill hlui/thar lo hmuhtir ni se, Electric Bill hmuhtir tur kan kawl tha tawh lo a nih pawhin PEDM CONSUMER Application atangin a download theih reng a ni.