1553/2025-2026

Dated Hnahthial, the 7th August, 2025: National Highway-02, by-pass peng thlen hma, Nera tui piah kawng chu siam a nih dawn avangin a hnuaia thuchhuah ang hian tun Sunday (10.08.2025) leh Monday (11.08.2025) lo awm tur, zing dar 8 atanga tlai dar 6 thleng chu hemi kawnga tlan tumte tan by-pass kawnga tlan zawk tur a ni tih Addl SP, Pu Robert S Beihrosa chuan hriattirna a chhuah.

NOTIFICATION

National Highway (NH)-02, By-Pass Ending Point thlen hma, Hnahthial Chhim lam (Nera tui piah) kawng chu road construction company te'n siamthat hna an thawh dawn avangin, Govt.of Mizoram Notification No.12021/10/2004/TRF Dt.27.05.2020 Ieh MV Act Sec- 115 hmanga lirthei tlan dan tur chungchanga ruahmanna siam thei tura thuneihna min pek angin, mipui kan lo him zawk theih nan a hnuaia mi ang hian ruahmanna siam a ni e.

1. Lirthei eng chi pawh ni 10.08.2025 (Sunday) dar 8:00 a.m atanga 11.08.2025 (Monday) dar 6:00 p.m chhunga NH -02 kawngpuia Hnahthial kaltlang turte chu Hnahthial by-pass road-ah eng hawi zawng pawhin an tlan thei ang.

2. Hemi kawng khar chung hian Hnahthial Khaw chhung chhimlama kal tumte tan Emmanuel Hotel, Peniel veng thleng chiah tlan phalsak a ni.

Tin, he thupek hian Magistrate/Police/F&ES leh medical emergency duty lirthei chevel te a huam lovang.

He thupek zawmlo te chu MV Act Section 179 hmangin an chungah action lak a ni ang.