No.7608/2020-2021

Mizoram Governor Pu P. S. Sreedharan Pillai March ni 10 a lehlanga Lunglei a rawn kal hun a lo dawnsawn dan tur leh program neih dan tur ngaihtuahin vawiin chawhnu khan Lunglei DC Conference Hall-ah meeting neih a ni.

He hun Lunglei DC Pu V.Lalsangliana kaihhruaiah hian, Mizoram Governor in Lunglei a rawn tlawh hun a, a hun hman dan tur tlangpui tarlan a ni a. A lo dawnsawn dan tur ngaihtuah a thutkhawmah hian mawhphurhna la tur Sawrkar Department hrang hrangte chanvo leh mawhphurhna siam fel nghal a ni.

Mizoram Governor Pu P.S. Sreedharan Pillai hian March ni 10 chawhma lamah Helicopter hmangin Assam Rifles Helipad, Lunglawn-ah a tum ang a. Guard of Honour pek a nih hnuin Circuit House a pan zui nghal dawn a. Circuit House ah hian Lunglei District a Sawrkar Department hotute inkawmhona hun a hmanpui dawn bakah tlawmngai pawlte, kohhran hruaitute leh political party-te a kawm dawn a ni.

Hemi hnu hian Chhumliamkawna Bethel Centre leh Christian Hospital Serkawn a tlawh zui nghal bawk dawn a ni. Ruahman lawk dan chuan Governor hian hemi ni chawhnu vek hian Helicopter hmang in Lunglei chhuahsan in Aizawl a pan ang.