No.7609/2020-2021

State Institute of Rural Development & Panchayati Raj (SIRD&PR), Mizoram, Durtlang Leitan, United Nation Development Programme (UNDP) leh Exim Bank tangkawp buatsaih, ni 5 chhung awh tur “Sensitization Training on Functioning of Farmers Producers Company for CEOs/Consultants & Leaders of FPOs/FPCs” chu vawiin  khan SPRC Auditorium, SIRD&PR, Durtlang Leitan-ah a hawnna neih a ni.

Pu Lalhmingmuana, State Coordinator, Mission Organic Mizoram, Department of Agriculture, Govt. of Mizoram chuan Trainning hi a hawng a. Pu Lalhmingmuana chuan thu sawiin, kum 2017 atangin FPO/FPC te dinin, hmalak tan a ni a, FPO/FPC te hi din anih atanga kum 3 chhunga mahni inenkawl thei tura ngaih an ni a. Amaherawhchu, tuna kan dinhmunah chuan chutiang chu kan la pha lo deuh a ni, a ti a. Chutiang chu ni mah i la, kan la beidawng lova, a hlawhtlinna kan la hmuh ngei kan beisei tlat a ni, a ti.

Kuthnathawk (Farmer) te hian eikhawp ngawr ngawr tharchhuah a, tlem azawng hralh tur an neih chuan an duh tawk mai thin a, sum leh pai lakluhna, inchawm theihna tur khawp thar chhuah hi kan tum ber a ni a. Sawrkar atanga puihna hi tawp mahse chawl lova thawk zel turin kalkhawm te chu a sawm a. Harsa deuh mahse a hlawhtlin theih nan hmala tu tur kan ni tih hria a, taima taka kan thawh hram hram a pawimawh a ni, a ti bawk a ni. Thlai tharchhuah sawngbawlna khawl te pawh hmang tangkai thei tur khawpa thlai thar chhuah kawngah tun aia hma kan sawn a ngaih thu sawiin, hmasawnna thar hmuhna atan leh hlawkpui ngei tura training hi hmang turin training chhim tute chu a chah a ni.

He hun  hi Pu Lalchhandama Lailung, Core Faculty, SIRD&PR, Mizoram chuan a kaihruai a. Pi Betsie K.Vanlalpeki, MSME Specialist, Mizoram, United Nations Development Programme chuan training buatsaih anih chhan tlangpui sawina a nei bawk a ni. He training hian a tum ber chu kuthnathawk (farmer) in telkhawm ten ram chhung mai ni loa an tharchhuah te hralh chhuak thei tura Company puitling inrelbawl dan zirchhuahtir a, mahni intodelh a, inkaihruai thei tura buatsaih a ni. Training-ah hian FPO/FPC hrang hrang atangin mi 18 an tel a ni.