No.3529/2021-2022

Aizawl the 30th December, 2021 :

Vawiin khan Health & Family Welfare Minister Dr R. Lalthangliana chuan Old Tourist Lodge Building, Zotlang, Lungleia ruahman Makeshift RT-PCR Laboratory a hawng.

Thermo Fisher 7500 RT-PCR khawl chu 10.12.2021 khan Service Engineer hovin Dr Swagnik Roy, HoD, Microbiology Department, Zoram Medical College te nen hlawhtling taka installation leh trial run neih a ni. Old Tourist Lodge Building-a RT-PCR Laboratory bun tur hian Medical & Public Health (Departmental Minor Work during 2021-22) kaltlangin a building hmunhma thawmthat nan cheng nuai 66.65 sen niin ‘India COVID-19 Emergency Response & Health System Preparedness Package: Phase-II (ECRP-II package)’ hnuaia cheng nuai 30 dawn atangin RT-PCR Laboratory mamawh bungrua leh thil hrang hrang leina atan cheng nuai 23.89 hman ani tawh bawk.

Vawiin hawnna program Pu R. Lalramnghaka, Secretary, H&FW Department kaihhruaiah Health & Family Welfare Minister Dr R. Lalthangliana chuan RT-PCR Laboratory hawn tak chu Mizoram chhimlam District-te tan hmasawnna mellung pawimawh tak a ni tiin he laboratory ti hlawhtling tura theihtawp chhuahtu Lunglei District MLA-te, H&FW Department thawktute leh officials dangte chungah lawmthu a sawi a. Makeshift RT-PCR Laboratory atana an Department hmunhma phal taka hman tir tu Tourism Department chungah pawh lawmthu sawiin Thermo Fisher 7500 RT-PCR khawl donate tu Thorang AC bialtu MLA Pu Zodintluanga leh NGO Coordination Committee member zawng zawngte chungah lawmthu a sawi bawk a ni.  Civil Hospital Lunglei compound chhungah 'Laboratory Block’ changtlung tak ruahman mek anih thu a sawi bawk.

Er H. Lalfakzuala, Sr EE, H&FW Department chuan Technical Report a pe a. Old Tourist Lodge Building-a RT-PCR Laboratory bun tur hian Medical & Public Health (Departmental Minor Work during 2021-22) kaltlangin a building hmunhma thawmthat nan cheng nuai 66.65 sen a ni a. Hna hi 22.09.2021 ah bultan niin 21.11.2021 a zawh fel tura tih chu zawhfel hma theih niin 28.10.2021 ah zawh a ni a. Laboratory hi chhawng hnih niin a zau zawng hi 332 sq. metres niin room chi hrang 14 – sample receiving room, extraction room, master mix room, PCR Room, Doffing area, Donning area, DEO room, Autoclave room, store rooms, doctor & staff room, wash room, kitchen, bathroom leh toilet te buatsaih a ni. Civil work hrang hrang bakah electrification, tui supply leh tui chhe paih chhuahna, leh diesel generator shed te siam anih bakah 50 KVA diesel generator leh AC khawl paruk bun a ni.

Lunglei Medical Superintendent Dr SR Ngurchamliana chuan ‘India COVID-19 Emergency Response & Health System Preparedness Package: Phase-II (ECRP-II package)’ hnuaia hmalakna Technical Report a pe a. He project kaltlang hian cheng nuai 30 dawn niin RT-PCR Laboratory mamawh bungrua leh thil hrang hrang lei nan tun dinhmunah cheng nuai 23.89 hman ani tawh a.  Sawrkar laipui Ministry of H&FW in inkaihhruaina a siam angin ECRP-II hmalakna hnuaia Laboratory mamawh bungrua leh hmanrua tam zawk te hi Government e-Market place (GeM) portal kaltlanga lei niin hmanraw pali (4) atan MoHFW phalna la in GeM kaltlang lova lei an ni. Hmanrua lei tawh te hi Vortex, Refrigerated centrifuge, Deep Freezer -80 C, Deep Freezer -20 C pahnih, Domestic refrigerator, drybath, Plate shaker, -20 mini cooler box, UPS 10KVA, Desktop Computer & Lazer printer, hot air oven, incubator, Biosafety cabinet pahnih, spinwin microcentrifuge, Autoclave pahnih, pipette full set with pipette holder pahnih leh furniture-te an ni. RT-PCR LAboratory a thawk tur staff paruk te chu Viral Research and Diagnostic Laboratory (VRDL), ZMC-ah an training tawh bawk a ni.

Vawiin program ah hian Lunglei South bialtu MLA Dr K Pachhunga, Lunglei North bialtu MLA Dr Vanlaltanpuia,  Principal Director H&FW DR F. Lallianhlira leh NGO Coordination Committee Chairman Pu Larotluanga, Lunglei Sub Hqrs YMA President taw pawhin thu an sawi a. Hawnna inkhawm-ah hian Lunglei HPC Vice Chairman Pu Lawmawma Tochhawng, Lunglei District official-te, NGO Coordination Committee member-te, party hruaitute leh sawm bik dangte an tel a ni.

Vawiin vek khan Health Minister hian Lunglei Civil Hospitala DCHC ruahman thar a hawng bawk a ni.