720/2022-2023

Lunglei the 31th, May 2022 : Vawiin khan Higher & Technical Auditorium Lunglei (Kawmzawl HATIM Campus) ah Higher & Technical Institute zirlai kal chhuak tur te thlahna (Valedictory Ceremony) neih a ni. Dr.Vanlaltanpuia, Lunglei North bialtu MLA leh Chairman, Mizoram Youth Commission, Govt. of Mizoram chuan khuallian niin a hmanpui.

Valedictory Ceremony hun hi Pu V. Vuansanga, Principal HATIM in kaihruaiin Dr. Vanlaltanpuia chuan Baptist Church of Mizoram in zirna in thatak an nei hi a lawmpui a, zirlai kalchhuak tur te duhsakna hlanin tuna an hlawhthlinna chu duhtawk mai lova hmalam pana kala taima taka bei zela, ram leh hnam tana mi tangkai tak ni turin a fuih a ni. Mizoram hi lekhathiamna ah kan sang hle a, amaherawchu kum engemaw chen atangin IAS a kan inziak tling thei lo hi pawi a ti a, Mizoram Chief Minister hmalakna in thalai te tan IAS kan tlin theihnan Coaching Centre, Vision IAS, New Delhi nen Memorandum of Understanding Sign anih thu a sawi a, Mizoram University Southern Campus a puitlin theihnan hmalak mek anih thu a sawi bawk. Mizoram in resource a neih that ber chu Human Resources hi a ni a, Mizo thalai te hi pianpui finna leh talent nei tha tak kan ni a training na tha kan neih chuan thil kan thiam chak a, kan talent te kan tih pun a ngaih thu a sawi bawk.

Zirlai kalchhuak tur te hi zirna peng hrang hrang Bachelor of Arts (BA), Bachelor of Commerce(B.COM), Bachelor of Computer Application (BCA) leh Bachelor of Social Work (BSW) atangin mi 73 an ni a, zirlai titha te hnenah lawmman semna neih nghal a ni. Veledictory Ceremony hi zirlai kalchhuak tur nu leh pa leh chhungte bakah BCM General Secretary leh hruaitu dang engemawzatin an hmanpui a ni. Rev. R. Lalnunzira, AGS (Service) in DOKIMOS Magazine tlangzarhna a nei bawk a ni.