4595/2023-2024

LUNGLEI; the 16^th  April, 2024: Vawiin chawhma dar 11:00 khan RUSA Hall, Govt. College Lungleiah  hmeichhe hlang polling officials: Presiding Officer (PRO), Asst. PRO leh Polling Officer(PO)  an vaiin mi 101 te tan training buatsaih a ni. Lunglei district-ah hian Polling station 176 awmin, chung zinga Polling Station 24 chu hmeichhe hlangin an vil tur a ni. Heng polling officials 101 te zingah a thlaveng tur (reserved) 20%  an tel nghal  a ni.

Vawiin Training-ah hian  Pu Beitlotha Nohro, Master Trainer (DLMT) chuan resource person niin training hi a pe a ni. Training hi session hnih a then a ni a, session khatna ah hian Power Point Presentation hmanga zirtirna pek session hnihna-ah hian a practical in EVM hman dan zirtirna neih nghal a ni bawk.