210/2024-2025 

Election Commission of India chuan April ni 2, 2024 khan lehkha pawimawh thawn chhuakin Lok Sabha inthlanpui lo awm turah Social Media platform hrang hrang enkawltute fimkhurna tur leh an zawm tur thuchhuah a hnuaia tarlan ang hian a siam :-

Internet Website leh Social Media platform hrang hrang enkawltuten anmahni kaltlanga politics kaihhnawih an tarchhuah turah The Information Technology Act, 2000, Information Technology (Intermediary Guidelines and Digital Media Ethics Code) Rules, 2021 leh Election Commission of India Guidelines No-491/SM/2013/Communication, dt 25^thOctober, 2013 an ngai pawimawh tur a ni a. Election Commission of India order No. 509/75/2004/JS-l, dt 15^th April, 2004 leh letter No. 491/Paid News/2019/Communication dated 25.02.2019 in a phut angin electronic media kaltlanga political advertisement ti chhuak tur reng reng chuan State/District level MCMC atangin phalna an la hmasa tur a ni.

Internet and Mobile Association of India (IAMAI) chuan General Elections to the Lok Sabha, 2019 ah khan inthlanna dik, felfai leh thianghlim tak a awm theih nan social media platform hrang hrang hmangtute zawm tur "Voluntary Code of Ethics" a siam a, hei hi IAMAI chuan September ni 23, 2019 khan inthlan apianga zawm a remti a, chuvangin a hnuaia tarlan Voluntary Code of Ethics hi General Elections to the Lok Sabha, 2024-ah pawh zawm tlan theuh tur a ni.

i)  Social media hmangtute chuan a remchan dan leh mimal zalenna vawng nung chung zelin policy leh kalhmang felfai tak zawmin inthlan kaihhnawih thu leh hla chhuah an turn tur a ni.

ii) Inthlan kaihhnawih Dan leh inkaihhruaina siamte ngaihven a, mipuite hriat tura puanzar leh zirtirna pek te chu mawhphurhna anga ngaiin tih an turn tur a ni. ECI lama Nodal Officer-te pawh an product/services chungchang, Dan-in kalphung a siam zulzuia ngenna siam chungchangte tiamin, an zirtir thin tur a ni.

iii)  ECI nena inremna siam angin Section 126 of the Representation of the People Act, 1951 leh inthlan kaihhnawih Dan palzutna awmte report-na notification mechanism siam a ni a; Sinha Committee thurawn angin Section 126 palzutna chu darkar 3 chhunga bawhzui tur a ni a, Dan palzutna awm bawhzui tura ngenna awm dangte pawh a nihphung azirin rang taka bawhzui nghal tur a ni.

iv) Inthlan laia dan bawhchhiatna awmte ECI atanga dawnte, rang leh abiktaka thlenna tur reporting mechanism leh hemi bik khawih turteam ruat a ni a. Dan palzutna awm bawhzui kawnga chak zawka hmalak a nih theih nan ECI Dan zam anga inrawntawnna, tawnhriat inhrilhhriatna neih thin a ni.

v)  Political advertisement titu ten dan ang taka hma an lak theih nana hrilhhriat leh Candidate leh Political party chuanna awm political advertisement tichhuak turin ECI/MCMC pawmpuina pre-certification nei hmasa tura hmalak dante hrilh hriain, ECI atanga hriattirna dawn, hetiang phalna nei lo sum hmanna paid political advertisement man chhuah chu rang taka bawhzui zel tur a ni.

vi) Social media platform hmangtute chu paid political advertisement chungchangah langtlang takin an kal tur a ni.

vii)  Social media platform hmangtute chuan ECI phutna anga Internet and Mobile Association of India (IAMAI) kaltlanga ngenna an dawng a nih chuan an social media platform-te dan lova hman a nih loh nana venhim kawnga an hmalaknate an hrilhfiah thin tur a ni.

viii) He dan hnuaia hmalakna chungchangah IAMAI chuan ama hnuaia social media hmangtute a thawhpui ang a, social media hmangtute nen inthlan chhungin ECI an be pawp reng tur a ni.

Youtuber/Social Media Handler-te reng rengin an content tihchhuahah Disclaimer siam ngei tura ngen an ni bawk.