209/2024-2025 

Election Commission of India chuan April ni 2, 2024 khan lehkha pawimawh ti chhuakin Lok Sabha inthlanpui lo awm turah thuthar thehdarhtute (Journalists) te chu a hnuaia tarlan Press Council of India in Norms of Journalists Conduct-2022 a siam hi zawm theuh turin thurawn a pe.

Norms of Journalists Conduct-2022

i)  Newspaper-te chuan supplement/special edition an tih chhuahin report dangte laka hriat hran mai theih nan "Marketing Initiative" tih an tilangtel tur a ni.

ii)  Newspaper-te chuan party hotute thusawi a ni lo zawngin an chhuahsaktur a ni lo. Editorial huanga mi thusawi dah Ian a nihin mipuite hnena an thuchah duh tak chiang takin an tarlang tur a ni.

iii)  News Item-a thailanah voter, political party eng emaw ber candidate thlawptu-te chibil anga sawi Ian fote leh thlek lam nei lutuk anga news chhuah hian Paid news rinhlelhna a siam.

iv)  Newspaper inel deuh kaltlanga poltical news thuhmun reng pek chhuah hian paid news a ni tih rinhlehna lian tak a siam.

v)  Newspaper pahniha news item a ngial a ngana inang a awm chuan tihpalh a ni thei lova, engemaw thil inbiakremna awma chhuah a ni tih a lantir.

vi)  Party/candidate tih bik neia news/thlalak in dahsak dan atangte, vote chakawm ngawih ngawih tura party tih lam neih sakte hi paid news tichiangtu a ni.

vii)  Nomination pawh la file hma hauha candidate hlawhtlin tur thu chhuah hi paid news lantirna a ni.

viii)  Film star-te telna campaign meeting leh State pum ngaihven hlawh ang report-te chu paid news anga thliar tur a ni lo ang.

ix)  Election kaihhnawih news tihchhuah thinah candidate tinte chanchin leh interview report khuangrual taka pe thin turin Newspaper-te chah an ni.

x)  Election neih laiin, ECI inkaihhruaina siamte zawm chungin Newspaper ten zirchianna atanga candidate leh party-te dinhmun tur an lo chhut dante an tilang thiang a, hemi kaihhnawihah hian chhuah tura tihna awm ang hriat a nih loh chuan paid news anga chhiar a ni lo.

xi) Newspaper-te chuan finfiahna hmasa awm lovin news survey-ten political party eng emaw ber chak tura an hrilhlawkna an chhuah chhawng tur a ni lo.

xii)  Vote thlak theite hneh tuma candidate pakhat thatna lai chhuah chiam thin hi paid news a ni.

xiii) Thu behchhan mumal awm lova candidate pakhat chhiatna lai sawi a, political party dang candidate thatna lai sawi leh daih thin hi chiang taka paid news lantirna a ni.